Polsha terma jamoasi va “Yuventus” klubi sobiq darvozaboni Voytsex Shesni faoliyatini yakunladi. Bu haqda u o’z Instagram sahifasi orqali ma’lum qildi.
Ma’lumot uchun, Shesnining so’nggi klubi “Yuventus” edi. Kiper turinliklar safida jami 252 ta o’yinda maydonga tushib, uch marta A Seriya va Italiya kubogini qo’lga kiritgan. Shuningdek, ikki marta mamlakat Superkubogiga ham ega chiqqan.
Bundan tashqari, Voytsex “Arsenal” bilan ikki marta Angliya kubogi va Angliya Superkubogi g’olibi bo’lgan.
Ta’kidlash joiz, 34 yoshli darvozabon Polsha terma jamoasi safida to’rt marta Yevropa chempionati va ikki marta Jahon chempionatida ishtirok etgan.
