Moskvaning SSKA klubi yarim himoyachisi Abbosbek Fayzullayev Sport24 nashriga bergan intervyusida yashash sharoiti haqida gapirib o’tdi.
– Men Moskva yashash uchun qimmat shahar ekanligini bildim. Nima sababdan bundayligini ayta olmayman, chunki men futbolchiman va bu haqida ko’p o’ylamayman. Hozir men jamoa bazasida yashamayapman, ijarada turibman.
– Ijara narxi qimmatmi?
– O’rtacha narx, – deydi Fayzullayev.
Eslatib o’tamiz, Fayzullayev o’tgan yili SSKA safiga borib qo’shilgandi. Uning moskvaliklar bilan tuzgan amaldagi shartnomasi 2026-yilning yoziga qadar amal qiladi.
