Ijtimoiy tarmoqlarda O’zbekiston milliy terma jamoasi amaldagi jahon chempioni Argentinaga qarshi o’yin o’tkazishi haqida xabarlar tarqaldi.
Ushbu holat yuzasidan O’FA Marketing va media bo’limi boshlig’i, sharhlovchi Davron Fayziyev izoh berdi.
“Argentina bilan o’yin o’tkazilishi haqida ma’lumotlar ancha keng muhokama qilindi. Lekin bu hali aniq emas.
O’FA oktyabr oyi uchun bir qancha variantlarni o’rganib chiqmoqda. Ularning orasida kuchli terma jamoalar bor. Shu jumladan Argentina ham. Hozircha hech qanday rasmiy kelishuv yo’q. Kutaylikchi”, – deydi Fayziyev.
Eslatib o’tamiz, O’zbekiston milliy terma jamoasi JCh-2026 saralashini muvaffaqiyatli yakunlab, o’z tarixida ilk bor mundial yo’llanmasini qo’lga kiritdi.
