MLSning “Chikago Fayr” jamoasini erkin agent sifatida tark etgan Jerdan Shakiri faoliyatini Yevropada davom ettirishi mumkin.
Sky Sports xabariga ko’ra, 32 yoshli shvetsariyalik futbolchiga Gretsiyaning AEK va “Panatinaikos”, Turkiyaning “Beshiktash”, shuningdek, Saudiya klublari qiziqish bildirmoqda. Hozircha vinger faoliyatini qayerda davom ettirishi haqida bir qarorga kelgani yo’q.
Ma’lumot uchun, Shakiri 2022-yilning fevralida “Chikago Fayr” jamoasiga borib qo’shilgandi. Ushbu klub safida jami 69 ta o’yinda maydonga tushib, 14 ta gol urdi va 11 ta golli uzatmani amalga oshirdi.
