“Chelsi” va “Atletiko Madrid” portugaliyalik hujumchi Joau Feliksning transferi bo’yicha haligacha kelisha olmayapti.
Markos Benito bergan ma’lumotlarga ko’ra, “matrashchilar” Feliks sotuvidan 60 million yevro ishlab olmoqchi. “Aristokratlar” esa futbolchi uchun 35 million yevro taklif qilmoqda.
Ta’kidlanishicha, yarim himoyachi Konor Gallaherning “Atletiko”ga o’tishi Feliksning transferi bilan uzviy bog’liq. Agar Joau London klubiga o’tmasa, “Chelsi” madridliklar bilan Gallaher bo’yicha shartnoma imzolamaydi.
Eslatib o’tamiz, Feliks 2022/2023-yilgi mavsumning ikkinchi qismini “Chelsi”da ijara asosida o’tkazgan. O’tgan mavsum esa “Barselona” safida harakat qilgan.
