Hozirda erkin agent maqomida yurgan fransiyalik hujumchi Antoni Marsiyal faoliyatini Braziliyaning “Flamengo” klubi safida davom ettirishi mumkin. Bu haqda GetFootball xabar bermoqda.
Manbaga ko’ra, “Flamengo” asosiy tarkib futbolchisi Pedroning jarohati sabab hujumchi izlamoqda va asosiy nomzod sifatida Marsiyalni ko’rmoqda.
Eslatib o’tamiz, Marsiyalning so’nggi klubi “Manchester Yunayted” edi. Avvalroq 28 yoshli hujumchiga “Lion”, “Marsel” va “Lill” klublari qiziqish bildirayotgani haqida xabarlar paydo bo’lgandi.
