Bilbaoning “Atletik” klubi vingeri Niko Uilyams kelajagi borasida bir qarorga keldi.
Sport.es nashrining xabariga ko’ra, 22 yoshli futbolchi “Barselona” rahbariyatiga shu yozda kataloniyaliklar safiga o’tishga tayyorligini ma’lum qilgan.
Manbaga ko’ra, “ko’k-anorranglilar” shu hafta ichida muzokaralarni to’liq yakunlashni rejalashtirmoqda. Transfer narxi 62 million yevroga baholanmoqda.
Ma’lumot uchun, Uilyams o’tgan mavsum La Ligada 31 ta o’yinda maydonga tushib, 5 ta gol va 11 ta golli uzatmani amalga oshirgan. Uning “Atletik” bilan tuzgan amaldagi shartnomasi 2027-yilga qadar mo’ljallangan.
