“Santos” hujumchisi Neymar “Barselona”ga qaytish uchun maoshini kamaytirishga tayyor. Bu haqda COPE xabar bermoqda.
Manbaga ko’ra, futbolchining bu qarori kataloniyaliklarning moliyaviy cheklovlarini hisobga olgan holda transfer ehtimolini sezilarli darajada oshiradi.
Eslatib o’tamiz, Neymar 2013-yildan 2017-yilgacha “Barselona” safida to’p surgan. Bu vaqt ichida u barcha turnirlarda 186 ta o’yinda maydonga tushib, 105 ta gol urgan va 76 ta golli uzatmani amalga oshirgan.
