Fransiyaning “Renn” klubi vingeri Dezire Due “Bavariya” taklifini rad etib, PSJga o’tishga qaror qildi. Bu haqda Florian Plottenberg xabar berdi.
Manbaga ko’ra, so’nggi paytlarda “Bavariya” muzokaralarda ustunlikka ega bo’lgan, biroq futbolchi yakuniy qaror qabul qilgan. Hozirda PSJ va “Renn” kelishuv bo’yicha muzokaralar olib bormoqda.
Ma’lumot uchun, 19 yoshli vinger “Renn” klubi tarbiyalanuvchisi hisoblanadi. Uning klub bilan tuzgan amaldagi shartnomasi 2026-yilning yoziga qadar amal qiladi.
