Niderlandiya terma jamoasi hujumchisi, hozirda erkin agent maqomida yurgan Memfis Depay faoliyatini Madridning “Rayo Valekano” klubida davom ettirishi mumkin. Bu haqda Relevo xabar berdi.
Manbaga ko’ra, kolumbiyalik yarim himoyachi Xames Rodriges jamoaga qo’shilganidan so’ng, klub prezidenti endi Memfisni qo’lga kiritish ustida ishlamoqda.
Ma’lumot uchun, Depayning so’nggi klubi “Atletiko” edi. Hujumchi o’tgan mavsum “matraschilar” safida jami 40 ta o’yin o’tkazib, 13 ta golga mualliflik qilgan.
