“Santos” prezidenti Marselo Teysheyra Neymarning klubdagi kelajagi haqida gapirdi.
Uning so’zlariga ko’ra, braziliyalik hujumchi kamida 2026-yilgi Jahon chempionatiga qadar jamoada qoladi.
“Neymar kelishi bilan muxlislarimiz ko’paydi. Bugun biz texnik va moliyaviy masalalarni baholashimiz mumkin. Taxminimizcha, barcha moliyaviy maqsadlarga erishiladi va hatto undan ham oshib ketadi.
Agar hammasi biz o’ylagandek bo’lsa, hamkorligimiz davom etadi va kelgusi yilgi Jahon chempionatigacha uzayadi”, – deydi Teysheyra.
Eslatib o’tamiz, avvalroq Neymar joriy mavsum yakunlanganidan so’ng Braziliyada qolish-qolmasligi haqida hali bir qarorga kelmagani xabar qilingandi.
