Kataloniyaning “Barselona” klubi prezidenti Xuan Laporta “Atletik Bilbao”dan Niko Uilyamsni sotib olish uchun muzokaralarni shaxsan o’zi olib bormoqchi. Bu haqda Sport.es nashri xabar berdi.
Manbaga ko’ra, Laporta AQShdagi mavsumoldi yig’indan qaytgach, Uilyams vakillari bilan muzokaralarni boshlaydi.
Qayd etilishicha, “Barselona” prezidenti allaqachon vingerni qo’lga kiritish uchun ularga 80 million yevro beradigan kompaniyaga murojaat qilgan.
Ma’lumot uchun, Uilyams o’tgan mavsum klub va terma jamoa safida jami 48 ta o’yinda maydonga tushib, 10 ta gol va 24 ta golli uzatmaga mualliflik qilgan. Uning “Transfermarkt”dagi narxi 60 million yevroni tashkil qiladi.
