“Napoli” klubi vingeri Xvicha Kvaratsxeliya faoliyatini Premyer Ligada davom ettirishi mumkin.
Todofichajes nashrining xabariga ko’ra, “Manchester Siti” gruziyalik yarim himoyachiga qiziqish bildirmoqda. Pep Gvardiolaning shaxsan o’zi uni jamoada ko’rmoqchi.
Manbaga ko’ra, neapolliklar Xvicha uchun 100 million yevrodan ko’proq mablag’ talab qilmoqda. Biroq “shaharliklar” bu narxni ancha qimmat deb hisoblamoqda.
Ma’lumot uchun, Kvaratsxeliyaning “Transfermarkt”dagi narxi 80 million yevroni tashkil qiladi. Uning “Napoli” bilan tuzgan amaldagi shartnomasi 2027-yilning yozida yakuniga yetadi.
