Kataloniyaning “Barselona” klubi hujumchisi Ansu Fati joriy transferlar oynasida jamoani tark etishi mumkin.
Todofichajes nashrining xabariga ko’ra, 21 yoshli futbolchi “Sevilya”ga o’tishni afzal ko’rmoqda. Fatiga boshqa klublardan ham takliflar bor, ammo u Ispaniyani tark etishni istamayapti.
Hozirda muzokaralar davom etmoqda. Biroq bir muammo bor. “Sevilya” Fatini ijaraga olmoqchi va uning maoshini 35 foizinigina o’z zimmasiga olishi mumkin. Bu variantga esa “Barselona” rozi bo’lmayapti.
Eslatib o’tamiz, Ansu Fati o’tgan mavsumni “Brayton”da ijarada o’tkazdi. Transfermarkt ma’lumotlariga ko’ra, futbolchi 25 million yevroga baholanmoqda.
