Madridning “Real” klubi sobiq hujumchisi Krishtianu Ronaldu “Barselona”ga qarshi o’yinlarda “Kamp Nou” stadionidagi muhit haqida gapirdi.
“Menga u yerda o’ynash va gol urish yoqardi. “Kamp Nou” menga g’azabini sochadigan stadion edi, muxlislar xushtak chalishardi, o’ziga xos aura bor edi.
Lekin men haqoratlarga e’tibor bermasdim. Men faqat gollar urib, muxlislarning ovozini o’chirish haqida o’ylardim. “Bernabeu”dan ko’ra “Kamp Nou”da gollar urishni yoqtirardim”, – deydi Ronaldu.
Eslatib o’tamiz, portugaliyalik futbolchi 2009-yildan 2018-yilgacha “Real” safida to’p surgan. Bu davr ichida u barcha turnirlarda 438 ta o’yin o’tkazib, 450 ta golga mualliflik qilgan.
