Millatlar Ligasi doirasidagi Avstriyaga qarshi uchrashuvda jarohat olgan “Arsenal”ning norvegiyalik yarim himoyachisi Martin Edegorning tiklanish muddati ma’lum bo’ldi.
25 yoshli futbolchi to’p uchun kurashda to’pig’ini qayirib olgandi va bahsning 67-daqiqasida maydonni oqsoqlanib tark etgandi.
Edegor chuqurlashtirilgan tekshiruvdan o’tish uchun Londonga yetib bordi. Agar uning to’pig’i sinishi tasdiqlanmasa, yarim himoyachining tiklanishi uchun taxminan uch hafta kerak bo’ladi.
Agarda to’piq sinishi tashxisi qo’yilsa, futbolchi kamida olti hafta maydonga tusha olmaydi.
Ma’lumot uchun, “Arsenal” APL’ning navbatdagi turlarida “Tottenhem” va “Manchester Siti”ga, shuningdek Chempionlar ligasi doirasida 1-oktyabr kuni PSJ’ga qarshi bahs olib boradi. Edegor ushbu uchrashuvlarni o’tkazib yuboradi.
