Mundo Deportivo nashri “Barselona” va “Leypsig” o’rtasidagi Dani Olmoning transferi bo’yicha olib borilayotgan muzokaralarning yangi tafsilotlarini ma’lum qildi.
Manbaga ko’ra, kataloniyaliklar Olmo uchun 50 million yevrodan ortiq to’lamoqchi emas. Nemislar esa bu taklifni qabul qilmayapti va “Barselona”dan 60 million yevro talab qilmoqda.
Qayd etilishicha, “Barselona”ning narxni oshirmayotganiga sabab vingerning kelasi yildan boshlab tovon puli aynan 50 million yevroni tashkil qilishi bilan bog’liqligi aytilmoqda.
Ma’lumot uchun, Olmo o’tgan mavsum klub va terma jamoa safida jami 32 ta o’yinda qatnashib, 13 ta gol va 7 ta golli uzatmani amalga oshirdi. Uning “Leypsig” bilan tuzgan amaldagi shartnomasi 2027-yilning yozida yakuniga yetadi.
