Vazn toifasidan qati’y nazar eng yaxshi jangchilarni aniqlaydigan P4P reytingi yangilandi.
Unga ko’ra, UFC 304 turnirining asosiy janggida Leon Edvardsni mag’lub etib, yarim o’rta vazn toifasida yangi chempionga aylangan Bilol Muhammad 5-o’ringa ko’tarilib oldi. Edvards esa reytingda 8 pog’ona pastlab, kuchli o’ntalikdan chiqib ketdi.
Shuningdek, UFC 304 turnirining yana bir asosiy jang ishtirokchisi Tom Aspinall Kertis Bleydsni birinchi raunddayoq nokautga uchratib, vaqtinchalik chempionlik unvonini himoya qildi. Ushbu g’alabadan so’ng, Aspinall P4P reytingida 12-o’rindan 6-o’ringa ko’tarilib oldi.
