Ispaniya terma jamoasi bilan Yevro-2024da zafar quchgan Alvaro Morata 13 million yevro evaziga “Atletiko”dan “Milan”ga ko’chib o’tdi. “Real” esa bu summaning bir qismini – 390 ming yevroni birdamlik to’lovi sifatida oladi.
Umuman olganda, Madrid klubi Alvaroning transferlaridan 74.85 million yevro ishlab oldi. 2013-yilda “Real” Moratani “Yuventus“ga sotdi va keyinchalik uni qaytarib oldi. 2017-yilda hujumchi “Real Madrid”dan “Chelsi”ga ko’chib o’tdi.
“Chelsi” Moratani “Atletiko”ga ijaraga berib, keyin uni sotib yuborganida, “Real” 1 million 860 ming yevro ishlab olgan. Forvard “Yuventus”ga ijaraga o’tganida, birdamlik to’lovlari miqdori 600 ming yevroni tashkil qilgan.
