Madridning “Real” klubi “Bavariya” himoyachisi Alfonso Devis bilan kelasi yozgi transferlar vaqtida erkin agent sifatida jamoaga qo’shilishi yuzasidan kelishuvga erishdi. Bu haqda Marca xabar bermoqda.
Manbaga ko’ra, tomonlar shaxsiy shartnoma shartlari bo’yicha og’zaki kelishib olgan. Qayd etilishicha, kanadalik futbolchi tez orada transfer shartnomasini tuzishi kerak.
Eslatib o’tamiz, Devisning “Bavariya” bilan tuzgan amaldagi shartnomasi 2025-yilning yozida yakuniga yetadi. Uning Transfermarkt’dagi narxi 50 million yevroga baholanmoqda.
