Klublar o’rtasidagi Jahon chempionati guruh bosqichi 3-turidan o’rin olgan bahsda “Manchester Siti” “Yuventus”ga qarshi bahs olib bordi va yakunda yirik 5:2 hisobida g’alaba qozondi.
Uchrashuvdagi gollarga “shaharliklar” safidan Doku, Holand, Foden va Savinyo mualliflik qildi. Shuningdek, “Yuventus” himoyachisi Kalulu kutilmaganda o’z darvozasini ishg’ol qilib qo’ydi.
Turinliklardan esa Koopmeyners va Vlahovich o’z hisobiga bittadan gol yozdirib qo’ydi. Hamyurtimiz Abduqodir Husanov ushbu bahsda zaxirada qoldirildi.
Shu tariqa, “Manchester Siti” guruh bosqichini yuz foizlik natija bilan yakunlab, keyingi bosqichga yo’l oldi. “Yuventus” esa ikkinchi o’rin bilan pley-off masalasini hal qildi.
