Klublar o’rtasidagi Jahon chempionati guruh bosqichi 3-turidan o’rin olgan “Real” va “RB Zalsburg” o’rtasidagi bahs noqulay ob-havo sharoiti sabab to’xtatilishi mumkin. Bu haqda Marca nashri xabar bermoqda.
Manbaga ko’ra, shtatdagi g’ayritabiiy issiqlik sabab Filadelfiyada momaqaldiroq xavfi kuchaygan. Stadiondan 13 kilometr masofada chaqmoq chaqsa, o’yin to’xtalishi kerak bo’ladi.
Ta’kidlanishicha, musobaqa tashkilotchilari ob-havo tufayli yuzaga kelishi mumkin bo’lgan muammolar haqida jamoalarni oldindan xabardor qilgan.
Eslatib o’tamiz, “Real” va “RB Zalsburg” o’rtasidagi uchrashuv ertaga, 27-iyun kuni Toshkent vaqti bilan soat 06:00 da start oladi.
