Osiyo qit’asida JCh-2026 saralash bosqichining 7-tur uchrashuvlari yakuniga yetdi. O’zbekiston milliy terma jamoasi bu turda Qirg’iz Respublikasiga qarshi maydonga tushib, minimal hisobda zafar quchdi.
Bellashuvlardan so’ng We Global Football nashri jamoalarning mudialga yo’llanma olish imkoniyatlarini baholab chiqdi.
Unga ko’ra, O’zbekiston A guruhida Jahon chempionatiga to’g’ridan-to’g’ri yo’llanma olish ehtimoli 92,6 foizga teng deb baholandi.
Hozirda Temur Kapadze shogirdlari Yaponiya, Eron va Janubiy Koreyadan keyin mundialga boradigan 4-jamoa sifatida ko’rsatilmoqda.
Shuningdek, A guruhida Eronning imkoniyatlari eng yuqori baholangan. 7-turdan so’ng forslarning JCh’ga borish ehtimoli 100 foizga baholangan.
Eslatib o’tamiz, O’zbekiston milliy terma jamoasi o’zining navbatdagi o’yinini 25-mart kuni aynan Eronga qarshi o’tkazadi. Uchrashuv 21:00 da “Ozodiy” stadionida start oladi.
