Kataloniyaning “Barselona” klubi futbolchilari Rafinya va Ronald Arauxo La Liganing 27-turidan o’rin olgan “Osasuna”ga qarshi bahsda jamoasiga yordam bera olmaydi. Bu haqda klub bosh murabbiyi Hans-Diter Flik ma’lum qildi.
Har ikkala futbolchi ham JCh-2026 saralashida o’z terma jamoalari safida harakat qilishdi. Shu sababli murabbiy ularga dam bermoqchi.
“Rafinya va Arauxo o’ynay olmaydi. Ular tiklanishi kerak”, – deydi Flik.
Ma’lumot uchun, “Barselona” va “Osasuna” o’rtasidagi bahs 27-martdan 28-martga o’tar kechasi Toshkent vaqti bilan soat 01:00 da start oladi.
