Madridning “Real” klubi bosh murabbiyi Xabi Alonso Klublar o’rtasidagi Jahon chempionati doirasidagi “Al-Hilol”ga qarshi o’yindan so’ng jamoa hujumchisi Vinisius Juniorning o’yinini tanqid qildi. Bu haqda Sport.es nashri xabar bermoqda.
Manbaga ko’ra, ispaniyalik mutaxassis braziliyalik futbolchi maydonda o’z vazifasini a’lo darajada bajarmayotganini, jumladan, raqibga pressing uyushtirmayotganini ta’kidlagan.
Alonso Vinisiusdan asosiy e’tiborni jamoaviy o’yinga qaratishni va to’psiz ishlashdan qochmaslikni so’ragan.
Ma’lumot uchun, Vinisius o’tgan mavsum barcha turnirlarda joriy mavsum barcha turnirlarda 53 ta o’yinda maydonga tushib, 21 ta gol urdi va 18 ta golli uzatmani amalga oshirdi. Uning Transfermarkt’dagi narxi 170 million yevroga baholanmoqda.
