Angliyaning “Manchester Yunayted” klubi hujumchisi Markus Reshford kelajagi borasida bir qarorga keldi. Bu haqda El Nacional xabar bermoqda.
Manbaga ko’ra, Reshford faqatgina “Barselona”ga o’tishni xohlaydi. O’tgan mavsumning ikkinchi yarmida hujumchi ijara asosida “Aston Villa”da to’p surdi.
Avvalroq kataloniyaliklar angliyalik futbolchining ushbu qarorini qadrlashi, biroq hujumni kuchaytirish uchun “Liverpul” vingeri Luis Diasni ustuvor variant sifatida ko’rayotganini aytgandi.
Reshford esa iyun oyi davomida “Barselona”ning yakuniy qarorini kutishga tayyor. Ayni damda 27 yoshli hujumchiga “Chelsi”, “Arsenal”, “Aston Villa”, “Inter” va “Milan” klublari qiziqish bildirmoqda.
Ma’lumot uchun, Reshfordning “Manchester Yunayted”dagi maoshi mavsumiga 10 million yevroni tashkil qiladi. Ammo vinger ispan grandiga o’tish uchun maoshini kamaytirishga ham tayyor.
