Madridning “Real” klubi yarim himoyachisi Eduardo Kamavinga Ispaniya kubogi 1/8 finalida “Selta”ga qarshi o‘yinda (5:2) jarohat oldi. Bu haqda klub matbuot xizmati xabar berdi.
“Bugun “Real” shifokorlari tomonidan o’tkazilgan tekshiruvlardan so’ng, Eduardo Kamavingada son mushaklari jarohati tashxisi qo’yildi”, – deyiladi xabarda.
Ma’lumot uchun, 22 yoshli futbolchi joriy mavsum barcha turnirlarda 16 ta o’yin o’tkazib, bitta gol urdi va 2 ta golli uzatmani amalga oshirdi. Uning madridliklar bilan tuzgan amaldagi shartnomasi 2029-yilning yoziga qadar amal qiladi.
