“Manchester Siti” yozgi transferlar vaqtida ikkita qanot himoyachisini sotib olishni rejalashtirmoqda. Bu haqda insayder Fabritsio Romano xabar berdi.
Manbaga ko’ra, “Nyukasl” himoyachisi Tino Livramento va “Vulverxempton” a’zosi Rayan Ait-Nuri “shaharliklar”ning asosiy nishoniga aylangan.
Qayd etilishicha, “Man. Siti” 23 yoshli Ait-Nuri transferi bo’yicha muzokaralarga kirishgan va u yaqin orada klubga qo’shilishi mumkin. Biroq 22 yoshli Livramento bilan muzokaralar qiyin kechmoqda, chunki “Nyukasl” futbolchini tarkibda saqlab qolmoqchi.
Ma’lumot uchun, Ait-Nuri o’tgan mavsum barcha turnirlarda 41 ta o’yinda maydonga tushib, 5 ta gol urdi va 7 ta golli uzatmani amalga oshirdi. Uning Transfermarkt’dagi narxi 35 million yevroga baholanmoqda.
Livramento esa o’tgan mavsum “Nyukasl” safida jami 37 ta o’yin o’tkazib, bitta golga assistentlik qildi. Uning Transfermarkt’dagi narxi 40 million yevroga baholanmoqda.
