Kataloniyaning “Barselona” klubi ustozi Hans-Diter Flik La Ligada o’tgan mavsumning eng yaxshi murabbiyi deb topildi. Bu haqda tashkilot rasmiy saytida xabar berildi.
Flik ushbu sovrin uchun kurashda Ernesto Valverde (“Atletik”), Mishel Sanches (“Jirona”), Diyego Simeone (“Atletiko”), Xose Bordalas (“Xetafe”), Manuel Pellegrini (“Betis”) va Manolo Gonsalesni (“Espanyol”) ortda qoldirdi.
Eslatib o’tamiz, “Barselona” o’tgan mavsum La Liganing 38 ta uchrashuvida 88 ochko jamg’arib, Ispaniya chempioniga aylandi. Ikkinchi o’rin kataloniyaliklardan 4 ochko kam to’plagan “Real”ga nasib etdi. Kuchli uchlikni 76 ochko bilan “Atletiko” yakunlab berdi.
