Madridning “Real” klubi sobiq bosh murabbiyi Zinedin Zidan Saudiyaning “Al-Hilol” klubidan tushgan taklifni rad etdi. Bu haqda L’Équipe nashri xabar bermoqda.
Manbaga ko’ra, “Al-Hilol” 52 yoshli mutaxassisga 100 million yevro maosh bilan bir yillik shartnoma taklif qilgan.
Qayd etilishicha, Zidanning rad javobidan so’ng riyodliklar bor e’tiborini hozirda “Inter”ni boshqarayotgan Simone Inzagiga qaratgan.
Eslatib o’tamiz, Zidan butun murabbiylik faoliyatini “Real” tizimida o’tkazgan. Fransiyalik mutaxassis 2021-yilda “Qirollik klubi” bosh murabbiyi lavozimini tark etgan va shundan beri ishsiz yuribdi.
