Angliya terma jamoasi va “Manchester Yunayted” klubi sobiq hujumchisi Ueyn Runi barcha davrlarning eng yaxshi futbolchisi va eng yaxshi klubi nomini aytdi.
Runi jamoalar ichida Pep Gvardiola murabbiylik qilgan davrdagi “Barselona”ni alohida e’tirof etdi va Lionel Messini tarixdagi eng yaxshi futbolchi deb atadi.
“Boshqa jamoalarga qarshi o’ynaganimizda g’alaba qozonishimizga amin edim, lekin “Barselona”ga qarshi emas. Mening fikrimcha, “Barselona” eng yaxshi jamoa, Messi esa eng yaxshi futbolchi. Uning qilgan ishlari aql bovar qilmas edi”, – deydi Runi.
Eslatib o’tamiz, Ueyn Runi “Everton” klubi tarbiyalanuvchisi hisoblanadi. Biroq u faoliyatining asosiy qismini “Manchester Yunayted” safida o’tkazgan va “qizil iblislar” safida 550 dan ortiq o’yinda maydonga tushgan.
