“Milan”ning sobiq bosh murabbiyi Paulo Fonseka “Lion”da ish boshladi. Bu haqda Fransiya klubi matbuot xizmati xabar berdi.
Manbaga ko’ra, tomonlar 2027-yilning yoziga qadar mo’ljallangan shartnoma imzolagan.
“Paulo Fonseka va uning jamoasi oldiga yangi siklni boshlash va mavsumning ikkinchi qismida klubni yuqori darajaga olib chiqish, shuningdek, kelasi mavsumda Chempionlar Ligasida ishtirok etishdek asosiy maqsadga erishish vazifasi qo’yiladi”, – deyila klub bayonotida.
Eslatib o’tamiz, Fonseka 2024-yilning iyunidan dekabrigacha “Milan”da faoliyat yuritdi. Mutaxassis avvalroq “Aves”, “Portu”, “Braga”, “Pachos de Ferreyra”, “Shaxtyor”, “Lill” va “Roma” klublarini ham boshqargan.
