Germaniyaning “Bavariya” klubi va Kanada terma jamoasi himoyachisi Alfonso Devis KONKAKAF Millatlar Ligasi doirasida AQSh terma jamoasiga qarshi o’yinda (2:1) xochsimon paylarini shikastlab oldi. Bu haqda BILD nashri xabar bermoqda.
Manbaga ko’ra, futbolchi jarohati sabab olti oyga yaqin maydonga tusha olmaydi. U uchrashuvning 12-daqiqasidayoq maydonni tark etgandi.
Ma’lumot uchun, Devis joriy mavsum Bundesligada 19 ta o’yinda maydonga tushib, bitta gol urdi va 2 ta golli uzatmani amalga oshirdi. Shuningdek, YChL’da 9 ta o’yin o’tkazib, 2 ta golga mualliflik qildi.
