Fransiyaning PSJ klubi o’tgan yozda jamoani tark etgan Kilian Mbappe o’rniga yangi yetakchi izlamoqda.
El Nacional xabariga ko’ra, parijliklar prezidenti Nosir Al-Xelayfi “Liverpul” hujumchisi Muhammad Salohning transferini amalga oshirishga harakat qiladi.
Qayd etilishicha, PSJ shartnomasi kelasi yozda yakuniga yetadigan misrlik futbolchiga yiliga taxminan 40 million yevro maosh to’lashga tayyor. Ushbu mablag’ evaziga Saloh dunyoning eng ko’p maosh oluvchi futbolchilaridan biriga aylanishi mumkin.
PSJ 32 yoshli forvardning hali ham yuqori saviyada o’ynay olishiga ishonishadi. Shuningdek, futbolchi Saudiya va AQSh variantlarini ko’rib chiqmaydi.
Bundan tashqari, Parij grandi yanvar oyida “Liverpul” bilan Salohning transferi bo’yicha muzokara o’tkazishga tayyor. Bu mersisaydliklarga futbolchining ketishidan ma’lum miqdorda tovon olish imkonini beradi.
Ma’lumot uchun, Saloh joriy mavsum APL’da 12 ta o’yinda maydonga tushib, 10 ta gol urdi va 6 ta golli uzatmani amalga oshirdi. Uning Transfermarkt’dagi narxi 55 million yevroga baholanmoqda.
