Kataloniyaning “Barselona” klubi o’zining afsonaviy hujumchisi Lionel Messini ortga qaytarish imkoniyatlarini o’rganib chiqmoqda. Bu haqda TEAMtalk xabar berdi.
Manbaga ko’ra, “Barselona” argentinalik futbolchini JCh-2026’dan keyin qaytarishni rejalashtirgan.
“Ko’k-anorranglilar” 2026/2027-yilgi mavsum boshlanishidan oldin rekonstruksiya qilingan “Kamo Nou” stadionining ochilish marosimini o’tkazmoqchi va rahbariyat aynan shu sababdan Messini olib kelmoqchi.
Tahlillarga ko’ra, ta’mirlash ishlari 2026/2027-yilgi mavsumda to’liq yakunlanadi. “Barselona” esa Messining tanishtiruv marosimini aynan shu stadionda o’tkazishga umid qilmoqda.
Eslatib o’tamiz, Lionel Messi 2003-yildan 2021-yilgacha kataloniyaliklar safida to’p surgan. Bu davr ichida u 6 marta “Oltin to’p”, 4 marta Chempionlar Ligasi va boshqa bir qator sovrinlarni qo’lga kiritgan.
