Angliya terma jamoasi va Londonning “Arsenal” klubi vingeri Bukayo Saka faoliyatini La Ligada davom ettirishi mumkin. Bu haqda Todofichajes nashri xabar bermoqda.
Manbaga ko’ra, Madridning “Real” klubi 23 yoshli hujumkor yarim himoyachini o’z safiga qo’shib olmoqchi.
Qayd etilishicha, Saka Chempionlar Ligasidagi o’yinlari orqali “qirollik klubi” rahbariyatida katta taasurot qoldirdi.
Eslatib o’tamiz, “Real” Chempionlar Ligasi chorak finalida ikki o’yin natijasiga ko’ra “Arsenal”ga 5:1 hisobida mag’lub bo’lib, turnirni tark etdi. Ma’lumot uchun, Sakaning “kanonirlar” bilan tuzgan amaldagi shartnomasi 2027-yilning yoziga qadar mo’ljallangan. Uning Transfermarkt’dagi narxi 150 million yevroga baholanmoqda.
