Ispaniya Superkubogi finalida “Barselona” va “Real Madrid” o’zaro to’qnash keldi va yakunda kataloniyaliklar yirik 5:2 hisobida g’alaba qozondi.
Dastlab, 5-daqiqada Kilian Mbappe hisobni ochdi. 22-daqiqada esa Lamin Yamal javob to’pini kiritdi. 36-daqiqada Levandovski penaltidan unumli foydalanib, jamoasini hisobda oldinga olib chiqdi.
Oradan uch daqiqa o’tib, Rafinya hisobdagi farqni yana bittaga oshirib qo’ydi. 45+10-daqiqada esa Alexandro Balde hisobni yirik ko’rinishga keltirdi.
48-daqiqada Rafinya dublni rasmiylashtirdi. 57-daqiqada “Barselona” posboni Voytsex Shesni qizil kartochka olib, maydonni erta tark etdi. 60-daqiqada esa “Real” hujumchisi Rodrigo hisobni qisqartirishga erishdi.
Shu tariqa, “Barselona” 14-bor Ispaniya Superkubogini qo’lga kiritdi.
