Madridning “Real” klubi yozda Karlo Anchelotti bilan shartnomani bekor qilishi mumkin. Agar jamoa Ispaniya chempionati va Chempionlar Ligasida g‘alaba qozonmasa, italiyalik mutaxassisning jamoada ketish ehtimoli oshadi.
“Real” Anchelottiga o‘rinbosar ham topgan. Fichajes nashrining ma’lumotiga ko‘ra, “qaymoqranglilar” yozda jamoa boshqaruviga Zinedin Zidanni taklif qilishi mumkin. Agar bu amalga oshsa, fransiyalik murabbiyning Madrid jamoasiga 3-marta qaytishi bo‘ladi.
Zidan “Real”ni 4 yil oldin tark etgan va shundan beri hech qaysi jamoani boshqarmadi. Mish-mishlarga ko‘ra, u 2026-yilgi Jahon chempionatidan keyin Fransiya terma jamoasi bosh murabbiyi Didye Desham o‘rnini egallashi aytilmoqda.
Madrid klubi murabbiylik postiga Xabi Alonso kelishi haqida ham xabarlar mavjud, biroq ispaniyalik mutaxassis yana bir mavsum “Bayer”da qolishni rejalashtirayotganini ma’lum qilgan. Shu bois “Real” Zidanni 3-marta ortga qaytarishga harakat qilib ko‘radi.
Manbada “qirollik klubi” yaqin oylar ichida yakuniy qarorini qabul qilishi va tomonlar muzokara o‘tkazishi haqida ma’lum qilgan.
