Myunxenning “Bavariya” klubi hujumchisi Harri Keyn faoliyatini APL’da davom ettirishi mumkin. Bu haqda El Nacional xabar bermoqda.
Manbaga ko’ra, “Liverpul” angliyalik futbolchi uchun da’vogarlik qilmoqda. Mersisaydliklar futbolchiga madsadli loyiha, ahil jamoa va eng muhimi sovrinlar uchun kurashish imkoniyatini taklif qilmoqda.
Qayd etilishicha, “Bavariya” Keynni sotmoqchi emas. Ingliz futbolchisining amaldagi shartnomasi 2027-yilning yoziga qadar mo’ljallangan. Biroq forvardning vatanga qaytish istagi myunxenliklarning pozitsiyasini o’zgartirishi mumkin.
Ma’lumot uchun, Harri Keyn joriy mavsum “Bavariya” safida jami 37 ta o’yinda maydonga tushib, 32 ta gol urdi va 11 ta golli uzatmani amalga oshirdi. Uning Transfermarkt’dagi narxi 90 million yevroga baholanmoqda.
