“Manchester Siti” bosh murabbiyi Pep Gvardiola “Bavariya”ga murojaat qildi. Mutaxassis Myunxen klubini 125 yillik yubileyi bilan tabrikladi.
“Men uchun “Bavariya” murabbiyi bo‘lish sharaf edi. 125 yillik tarixga, Frans Bekkenbauer, Uli Xyoness, Karl-Xayns Rummenigge kabi betakror shaxsiyatlarga, shunday yurak va ishtiyoqqa ega bo‘lgan bu klub – maydonda va uning tashqarisida – dunyodagi eng buyuklaridan biridir.
Muxlislar o‘z “Bavariya”lari bilan faxrlanishlari mumkin, men ham o‘zimni “Bavariya” oilasining bir qismi deb his qilishimdan faxrlanaman. Tug‘ilgan kuningiz bilan! Kelajakka ilhomlantiradigan buyuk o‘tmish bilan”, – deydi Gvardiola.
Eslatib o’tamiz, Pep Gvardiola 2013-2016-yillar oralig’ida “Bavariya”ni boshqargan.
