Xalqaro futbol assotsiatsiyasi kengashi (IFAB) o’yin qoidalariga o’zgartirish kiritib, “sakkiz soniya qoidasi”ni joriy qildi.
Unga ko’ra, agar darvozabon to’pni sakkiz soniyadan ko’proq qo’lida ushlab tursa, raqibga burchak to’pi beriladi.
Bu haqda IFAB rasmiy saytida xabar berildi. Ushbu qaror 2025/2026-yilgi mavsumdan boshlab kuchga kiradi.
Ta’kidlanishicha, ushbu qoida sinovdan o’tkazilgan va o’z samaradorligini isbotlagan. Bu darvozabonlarning vaqtni behuda sarflash holatlarini kamaytirishga yordam bergan.
