“Manchester Siti” bosh murabbiyi Pep Gvardiola qishki transferlar vaqtida jamoaga kelib qo’shilgan yangi futbolchilarning klubdagi bir oylik faoliyatiga baho berdi.
“Ular mashg’ulot paytda juda yaxshi harakat qilishmoqda.
Husanov jamoaga kelganidan buyon “Chelsi”, “Leyton Orient”, “Nyukasl”, “Real” va “Liverpul”ga qarshi o’yinlarda maydonga tushdi. U kelgan zahoti juda og’ir va murakkab taqvimga kirishib ketdi.
U ingliz tilini yaxshi bilmaydi, shuning uchun u bilan muomala qilishda qiyinchiliklar bor… Lekin uning jamoaga ta’siri juda yaxshi bo’ldi!
Omar va Niko Husanovga qaraganda kamroq o’yin o’tkazishdi, lekin ular ham yaxshi harakat qildi. Biz yangi kelganlarning jamoaga ta’siridan mamnunmiz”, – deydi Gvardiola.
Ma’lumot uchun, “Manchester Siti” ertaga, 26-fevral kuni APL’ning 27-turi doirasida “Tottenhem” maydoniga safar qiladi. Uchrashuv Toshkent vaqti bilan soat 00:30 da start oladi.
