Angliya terma jamoasi va “Manchester Yunayted” sobiq himoyachisi Rio Ferdinand “Al-Nasr” hujumchisi Krishtianu Ronaldu qachon faoliyatini tugatishi haqida gapirdi.
“Ko’p narsani oshkor qila olmayman, biroq men Ronaldu bilan biroz ishlab ko’rdim. U xohlagancha o’ynay oladi. Ko’ramiz, lekin menimcha, Ronaldu kamida yana uch yil o’ynaydi”, – dedi Ferdinand.
Eslatib o’tamiz, Krishtianu Ronaldu 2023-yilning yanvar oyidan beri “Al-Nasr” tarkibida to’p surmoqda. Forvard o’tgan mavsum klub safida jami 45 ta o’yinda maydonga tushib, 44 ta gol urdi va 13 ta golli uzatmani amalga oshirdi.
