Kataloniyaning “Barselona” klubi “Bayer”ning germaniyalik yarim himoyachisi Florian Virtsga jiddiy qiziqish bildirmoqda. Bu haqda El Nacional xabar berdi.
Manbaga ko’ra, ispan grandi rahbariyati Jamal Musiala “Bavariya” bilan shartnomasini uzaytirganidan so’ng Virtsni yozgi transferlar oynasida o’z safiga qo’shib olishni maqsad qilgan.
Hozirda kataloniyaliklar prezidenti Xuan Laporta va klub sport direktori Deku ushbu transfer ustida ish olib bormoqda.
Shuningdek, 23 yoshli germaniyalik yarim himoyachiga “Real” va “Manchester Siti” ham qiziqish bildirmoqda. Ular futbolchiga “Barselona”ga qaraganda jiddiyroq maosh taklif qilishlari mumkin.
Ma’lumot uchun, Florian Virts joriy mavsum klub safida jami 35 ta o’yin o’tkazib, 15 ta gol urdi va 12 ta golli uzatmani amalga oshirdi. Uning Transfermarkt’dagi narxi 140 million yevroga baholanmoqda.
