“Chelsi” klubi matbuot xizmati jamoaning ukrainalik vingeri Mixail Mudrikda doping aniqlangani yuzasidan bayonot berdi.
“Chelsi” FA’ning yaqinda o’yinchimiz Mixail Mudrikda doping testi ijobiy chiqqani haqidagi xabarini tasdiqlaydi.
Klub ham, Mixail ham FA test dasturini to’liq qo’llab-quvvatlaydi va barcha futbolchilarimiz, shu jumladan Mudrik ham muntazam ravishda sinovdan o’tadi.
Mixail ishonch bilan aytdiki, u hech qachon noqonuniy moddalarni bila turib ishlatmagan. Mixail ham, klub ham noxush natijaga nima sabab bo’lganini aniqlash uchun tegishli idoralar bilan ish olib boradi.
Klub boshqa izoh bermaydi”, – deyiladi xabarda.
