2005-yilgi “Oltin to’p” sohibi, avvalroq “Barselona” va boshqa klublarda o’ynagan braziliyalik hujumchi Ronaldinyo “Inter Mayami” yulduzi Lionel Messi haqida gapirdi.
“Diego Maradona, Pele va Ronaldo (Nazario) bor. Shuning uchun Messini futbol tarixidagi eng zo’ri deyish menga qiyin. Faqat ayta olamanki, u o’z davrining eng yaxshi futbolchisi”, – deydi Ronaldinyo.
Eslatib o’tamiz, Messi va Ronaldinyoning do’stligi 2000-yillarning boshida “Barselona”da boshlangan. Braziliyalik afsona jamoaning yulduzi bo’lgan va yosh Messi uchun o’ziga xos murabbiyga aylangan.
Ronaldinyo har doim Messining iqtidoriga qoyil qolgan, Messi esa, o’z navbatida, braziliyalik futbolchi u uchun muhim o’rnak bo’lib qolganini aytgan.
