Madridning “Real” klubi jamoa hujumchisi Vinisius Junior bilan shartnomani uzaytirishga yaqin turibdi. Bu haqda Nikolo Skira xabar bermoqda.
Manbaga ko’ra, tomonlar 2030-yilga qadar mo’ljallangan yangi bitim borasida kelishib olgan. Shartnoma tafsilotlariga esa aniqlik kiritilmagan.
Eslatib o’tamiz, avvalroq OAV’da 24 yoshli vingerning vakillari va “Real” o’rtasida muzokaralar olib borilayotgani haqida xabarlar tarqalgandi.
Ma’lumot uchun, Vinisiusning “Los Blankos” bilan tuzgan amaldagi shartnomasi 2027-yilning yoziga qadar mo’ljallangan. Uning Transfermarkt’dagi narxi 200 million yevroga baholanmoqda.
