“Barselona” yarim himoyachisi Fermin Lopes faoliyatini Madridning “Atletiko” klubida davom ettirishi mumkin. Bu haqda Transfer News Live xabar bermoqda.
Manbaga ko’ra, “Atletiko” Fermin uchun 50 million yevro taklif qilishga tayyor. “Matraschilar” ”Barselona” moliyaviy qiyinchiliklarni inobatga olgan holda futbolchini sotishga rozi bo’lishi mumkinligiga ishonmoqda.
Fermin ajoyib o’yin ko’rsatmoqda, biroq Katalon klubi yarim himoyasidagi keskin raqobat tufayli muntazam o’ynay olmayapti.
Ma’lumot uchun, Transfermarkt portali 21 yoshli futbolchining narxini 50 million yevroga baholamoqda. Uning “Barselona” bilan amaldagi shartnomasi 2029-yilga qadar mo’ljallangan.
