Fransiyaning “Monako” klubi Pol Pogba bilan muzokaralar olib bormoqda. Bu haqda RMC Sport jurnalisti Fabris Xokins xabar berdi.
Manbaga ko’ra, fransiyalik yarim himoyachining o’zi ushbu transferga rozilik bermoqda. Pogba hatto moliyaviy imtiyozlarga ham tayyor.
32 yoshli futbolchi “Monako” bilan kelishuvga erishsa, oilasini Fransiyaning janubiga ko’chirish uchun hamma narsani tayyorlab qo’ygan.
Eslatib o’tamiz, Pogba antidoping qoidalarini buzganligi uchun diskvalifikatsiya qilingan va hozirda erkin agent hisoblanadi. U oxirgi marta 2023-yilning 3-sentyabrida maydonga tushgan.
