“Manchester Siti” bosh murabbiyi Pep Gvardiola “Real”ga qarshi Chempionlar Ligasi pley-off bosqichining dastlabki o’yinidagi mag’lubiyatga kim sababchi bo’lgani haqida gapirdi.
Eslatib o’tamiz, uchrashuv 3:2 hisobida madridliklar foydasiga hal bo’ldi.
“Men “Man. Siti”da ko’p yillardan buyon ishlab kelyapman va ajoyib jamoaning, haqiqiy mashinaning bir qismi bo’lganimdan xursandman. Ammo hozircha jamoada yuzaga kelayotgan vaziyatlarni yengishga yordam beradigan narsani taklif qila olmayman.
Bu natijalar uchun javobgarlik barchamizning zimmamizda. Tan olaman, bizning tizimimizda hamma narsa avvalgidek emas. Bir o’yinchini ayblash oson, lekin bu be’manilik va bunday bo’lmaydi. Hamma aybdor, birinchi navbatda men aybdorman”, – deydi Gvardiola.
Ma’lumot uchun, “Real” va “Manchester Siti” o’rtasidagi javob uchrashuvi 19-fevral kuni Toshkent vaqti bilan soat 01:00 da “Santyago Bernabeu”da start oladi.
